Ако ни се погодат програмите нема да има никаков проблем да коалицираме со ВМРО ДПМНЕ. И двете сме опозициски партии и сосема е природно да коалицираме по изборите. Ова денеска го изјавија од коалицијата Вреди, која според последната анкета на ИПИС стои прилично стабилно како постизборен партнер во новата Влада предводена од ВМРО ДПМНЕ.
„Важно ни е на нас да добиеме кај албанскиот електорат па потоа водејќи според бројките ако се усогласуваат и програмите на двете коалициони партнери, секако дека не е проблем за коалицирање со било која партија што ќе се усогласат самите програми“, рече Фари Хисени од Вреди.
Дали првиот алабански премиер се продаде за валканите милиони од бизнисот со казината што Артан Груби преку својата Лотарија ги реализира со српското и бугарското подземје, прашуваат од Вреди.
„Да потсетиме и до ден денес никој не може да го заборави приемот на десната рака на Владимир Путин, Сергеј Лавров во Скопје од Бујар Османи. Значи многу е јасно дека ДУИ од партија на војната се претвори во партнер на Москва и Белград. Меѓу другото, Насер Зибери ја кажа и вистината за избегнувањето на Али Ахмети да биде кандидат за претседател на овие претседателски избори. Дури и Али Ахмети знае дека лошо ќе загуби, затоа реши да го жртвува Бујар Османи“, рече Хисени.
Од Вреди го посочија и телевизиското интервју на поранешниот кандидат за премиер од ДУИ, Насер Зибери, од пред два дена, па прашуваат „дали двегодишниот мандат на албанскиот премиер бил заменет и продаден за милионите од скандалот Соравија кој беше купен од 25 годишниот внук на Али Ахмети за 25 милиони евра“.
Љубиша Владимиров
