Спречена експлозија на метан во кочанско. Пожарникари успеале брзо да го совладаат пожарот кој избувнал во Прочистителната станица за отпадни води во селото Мојанци. Пламените јазици се појавиле на инсталација на системот за пренос на гасот , при што се запалиле цевки од системот.
- „Ние добивме дојава за пожар во 20:30 часот од лице вработено во прочистителната станица во Мојанци дека има запалена инсталација на преработка на сулфур, за преработка на метан, реагиравме веднаш со четири возила и осум пожарникари. Со нас беше и возило од ДПД . Пожарот од наша страна брзо е локализиран и изгаснат, изјави Драган Апостолов, командир на кочанската ТППЕ.
Пожарникарите не можат да направат проценка колкава штета би се предизвикало ако експлодирал метанот.
- „Не можам да кажам колкава е опасноста, до самата преработка на сулфорот постои, има еден голем балон, кој со преработка на сулфур од прочистителната станица се полни со метан, беше голем пожарот со сериозен карактер…
Има само материјална штета, а причините за пожарот допрва ќе се утврдуваат.
Командирот апелира да не се пали оган на отворено во близина на прочистетелната станица каде што има земјоделско земјиште.
