Додека делови од Скопје молат за капка вода на пеколни температури, градот е потонат во нечистотија, прашина и ѓубре, градоначалничката Данела Арсовска се фати за работа – ама не со клучните проблеми на скопјани, туку засука ракави па во ноќните часови го врати споменикот на Андон Лазов – Ќосето во Скопје.
Изутрината, Град Скопје во кусо соопштение информира дека споменикот на Ќосето повторно е поставен. „Со поставувањето на спомен-обележјето во чест на македонскиот револуционер Андон Лазов Јанев – Ќосето, оддаваме признание за неговиот неуморен дух и саможртва во борбата за слободна и независна Македонија“, стои во соопштението на Град Скопје.
Споменикот беше отстранет од претходникот на сегашната градоначалничка Арсовска, Петре Шилегов.
