Со намалување на прагот на репрезентативност на синдикатите ќе се овозможи поконструктивен дијалог во рамки на Економско социјалниот совет затоа што ќе може да учествува повеќе од еден синдикат.
Дел од синдикатите се надеваат дека предлог измените на законот за работни односи кој што се во собраниска процедура ќе бидат изгласани во текот на следната недела и веднаш после тоа ќе се формира ЕСС и ќе продолжи дијалогот. Важно што поскоро да седнат на иста маса работодавачите, Владата и синдикатите за да продолжи дебатата за минималната плата, но и за останатите клучни теми како договорите на работниците особено за оние кои се на времено вработување …..
мислам овој потег што го направи Владата е добар, се надевам дека следната недела ќе помине законот и ќе се види кои синдикати уште се репрезентативни и се надевам во најскоро време ќе имаме ЕСС , ако се донесе следната недела веќе другата недела би требало да се одржи зошто има голема пауза, порача Марјан Ристески Претседател на КСОМ.
Предлогот за намалување на репрезентативноста е резултат од разговорот помеѓу Владата и синдикатите со цел по транспарентна дебата посочи премиерот Христијан Мицкоски и не станува никаква политичка игра како што обвинува опозицијата за време на собраниската дебата.
Обвинувањата за време на собраниската дебата дека Владата со намалување на прагот на репрезентативност од 10 на 5 отсто сака да вклучи партиски синдикати во рамки на дијалогот не се логични затоа што многу е подобро кога повеќе синдикати се борат за правата на работниците, отколку само еден синдикат, сметаат од КСОМ.
Да го оформиме советот, да влеземе во советот, тогаш ќе видиме кој како ќе реагира, да оставиме да се формира ЕСС, да видиме кој како ќе дискутира, јас тврдам ако има повеќе синдикати ќе биде подобро за работниците, еден синдикат 30 години наназад видовте до кај сме доведени, рече Ристески.
Инаку, во пресрет на формирањето на ЕСС, синдикатот склучи меѓународен договор за соработка помеѓу синдикатите со братски синдикат од Србија од каде ќе црпи искуства за преговорите кои ќе следат и во однос минималната плата и колективните договори со владата и работодавачите
Се надеваме дека оваа соработка ќе биде долгорочна и заедно дека ќе работиме на подобрување на синдикалните односи помеѓу Република Македонија и Република Србија и ќе направиме се за да помогнеме на конфедерацијата во Македонија бидејќи соработуваме со останати меѓунорадни синдикати , порача Синиша Костиќ од самостоен синдикат за занаетчиство, услуги и претприемништво во Србија
Инаку, досега репрезентативен синдикат беше ССМ .Репрезентативноста истече во декември, а последната седница на економско-социјалниот совет се одржа во февруари.
