Нов случај на угинати животни во скопската Зоолошка градина… Минатата недела, во вторникот, биле пронајдени неколку угинати берберски овци.
Од ЗОО Скопје информираат дека во живеалиштето на берберските овци при редовна утринска контрола биле пронајдени угинатите животни, кои немале видливи знаци на повреди, ниту пак претходно покажале знаци на болест.
Од Зоолошката велат дека веднаш биле повикани инспектор од Агенција за храна и ветеринарство и стручни лица од Факултетот за ветеринарна медицина, кои направиле целосен увид на лице место и ја отпочнале постапката за обдукција на угинатите животни.
Причината за смртта ќе биде соопштена кога ќе бидат направени сите анализи и резултатите од обдукцијата, но сомнежот е дека станува збор за труење од гранки од растението тиса, кое може да биде отровно за животните, информираат од Зоолошка Скопје.
Во изминатите над три години во скопската Зоолошка градина угинаа жирафите, лав, тигрицата, пингвин, имаше кланца со расните коњи, а еутанизирана беше и слоницата Дуња.
