Поранешен в.д. директор на јавно претпријатие во Битола ќе одговара за тоа што без правна основа им исплаќал дополнителни средства за работна успешност на шест вработени во претпријатието, иако истото работело со загуби.
И не само тоа вработените на кои им биле исплаќани средствата не ги исполнувале условите од правилникот за систематизација. Во врска со ова битолското Обвинителство поднесе обвинителен предлог против едно лице за продолжено кривично дело – злоупотреба на службената положба и овластување, согласно член 353 став 3 во врска со став 1 од кривичниот законик.
-Вкупниот износ на незаконски исплатените средства за кои е предизвикана штета на претпријатието изнесува 577.640 денари, велат од обвинителството.
