Почна реконструкцијата на улицата „Киро Фетак“ кај „Орта бунар“ во центарот на Куманово, информираа денеска надлежните од општината.
– Активно се работи на гребење на стариот асфалтен слој, по што следува асфалтирање на трасата- објави кумановскиот градоначалник, Максим Димитриевски.
Реконструкцијата се спроведува со средства обезбедени преку вториот владин повик на кој аплицираше општината. Жителите на овој реон постојано бараа санација на асфалтот и укажуваа на небезбедно движење на пешаците. За оваа намена одвоени се над 5,5 милиони денари. Претходно беше заменета водоводната и канализациската мрежа.
„Орта Бунар“ е едно од најстарите урбанизирани маала во Куманово.
