Почина пензионираниот полицаец, Владо Петров, осомничен во случајот „Пулс“. Според неофицијални информации, тој починал од срцев удар. Петров беше во првата група осомничени полициски службеници затоа што го дал својот потпис за согласност за паркинг.
Основното јавно обвинителство за гонење на организиран криминал и корупција ја води истрагата против триесет полициски службеници, кои се товараат дека како службени лица вработени во СВР Штип и полициската станица во Кочани не направиле целосна и детална проверка за издавање согласност за добивање лиценца за „Пулс“, во делот на безбедноста во сообраќајот и јавниот ред и мир.
