Општините ќе добијат втора тура пари за капитални проекти после ребалансот на Буџетот. Во моментов трае евалуацијата а планирано е да се финансираат скоро 900 проекти
На двата повика се поднесени скоро 1.200 проекти во вредност од околу 20 милијарди денари односно за граѓаните ова значи нови градинки, училишта, спортски терени, патишта, канализации… Министерот за локална самоуправа Златко Перински е задоволен од динамиката со која се реализираат проектите од првиот повик, остануваат да се завршат уште оние за кои морало да се повторува изборот на изведувач
Покрај вложувањето во инфраструктурата се работи и на унапредување на услугите кои им се потребни на граѓаните како и решавање на предизвиците со кои се соочуваат општинските администрации при имплементација на програмите. Ова се прави со проекти поддржанио од ЕУ… Клучен е процесот на дигитализација, планот е до 2026-та година веќе минимум 25 услуги да бидат достапни електронски за граѓаните. Покрај тоа треба да се работи на квалитетни кадровски решенија, и унапредување на администрацијата
Инаку средствата од вториот повик ќе бидат распределени преку ресорните министерства . Парите од Унгарија , Македонија ги доби под половни услови , а покрај за општините, 250 милиони евра се вбризгуваат во приватниот сектор за нови инвестиции. Со ова се поттикнува инвестициски циклус , врз кој што се темели проекцијата за забрзан раст на економијата.
