По Минхен, Германија, владината дипломатска активност треба да продолжи кон Соединетите Американски Држави. Како што најавија од Владата, премиерот Христијан Мицкоски ќе патува за Вашингтон, каде треба да присуствува на најголемиот политички собир на конзервативците – организиран од Американската конзервативна партија.
Значаен политички собир на кој според најавите Мицкоски треба да има и свое обраќање. Целта на дипломатските активности на премиерот Мицкоски е да ја интензивираат стратегијата на Македонија за стабилност, пристапување кон ЕУ, но и зајакнување на одностите со стратегиските партнери САД кои ја поддржуваат земјата на патот до Европското семејство.
Мицкоски во Минхен нагласи дека Македонија има стратегиска цел да стане членка на Европската унија, но на отворена сцена предупреди дека на овој пат земјата е соочена со блокади кои немаат ништо заедничко со европските вредности… Шефот на македонската Влада вели дека патот кон полноправно членство стана – подвижна цел, затоа што земјата постојано е жртва на билатерални спорови, кои немаат ништо заедничко со европските вредности… Мицкоски праша, и колку долго Македонија треба да страда, поради двојните стандарди.
