Реклама

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Македонија

Пендаровски и Мицкоски контра Заев

„За македонскиот јазик не треба да се разговара“. Претседателот Пендаровски и лидерот…

Сподели:
Фото: Алфа Вести

„За македонскиот јазик не треба да се разговара“. Претседателот Пендаровски и лидерот на опозицијата Мицкоски на иста бранова должина во однос на провокацијата со непризнавањето на македонскиот јазик од страна на бугарските академици.

-Македонскиот јазик постои, исто како што македонската нација е факт. За тоа никој нормален во нашата земја нема да дебатира ниту да потпишува договори со било кого, вели Пендаровски.

-За македонското писмо не треба ниту да се преговара ниту да се разговара. Мене не би ми паднало на памет да разговарам за такви атрибути, вели Мицкоски.

Реклама

Ама премиерот Заев сепак, не се согласува со ова. Најави средба со бугарскиот премиер Борисов, на која ќе се разговарало пријателски и отворено, без да муабети и префрлање за тоа „кој прв почнал“.

-Ќе организирам состанок. Треба да седнеме со бугарскиот премиер Борисов, веројатно ќе биде со мене министерот за надворешни работи и советниците од мојот кабинет, а и исто така од другата страна. Да седнеме и заеднички да ги изградиме овие работи, бидејќи сме пријателски земји.

Мицкоски забележува за ваквата изјава на Заев. Според него, мора да се знае границата на меѓусоседските односи.

-Мора во животот да се знае до каде е границата, да се знаат принципите за што може да се разговара и што не може да биде на маса за разговори. Македонскиот јазик е една од неколкуте работи коишто не треба воопшто да се разговараат и преговараат. Јас не знам како се образувал, на кој јазик се образувал тој човек, каде го стекнал тоа образование, каков мајчин јазик зборува, изјави Мицкоски.

Провокацијата од Бугарија пристигна пред неколку дена и тоа од највисоката научна институција -Бугарската академија на науките. Ставот на бугарските акадмици, што следеше по донесување на повелбата за македонскиот јазик од страна на МАНУ, е дека македонскиот јазик не постоел, туку бил писмено – регионална норма на бугарскиот, односно бугарски дијалект.

Сања Трајковска Ставров