ИФФК „Браќа Манаки“ одржа панел со кинематограферите Тимо Салминен и Јануш Камински, кои говореа на тема „Изнаоѓање нови начини до срцето и умот на публиката“.
Пред аудиториумот во Битола, кинеатограферот Тимо Салминен зборуваше за своето семејство и на неговите почетоци во филмот, потсетувајќи дека неговиот татко бил режисер на 36 филмови, а кога Салминен имал 23 години, неговиот брат веќе работел како директор на фотографија.
По оформувањето на своето образование, Салминен работел како фриленсер на реклами, а потоа и на играни филмови. Во својата кариера најдолго соработувал со финскиот режисер Аки Каурисмаки.
Оскаровецот Јануш Камински зборуваше за работата на филмот и неговите методи на работа, користел различни оптички и камерски техники, меѓу кои и леќи со кои можел селективно да го контролира фокусот и да создаде нестабилна, нарушена перцепција на просторот. Камински порача дека суштината на кинематографијата е техниката да биде во служба на приказната и емоцијата, а не сама на себe.
Панел дискусијата во битолското кино „Манаки“ предизвика интерес кај публиката која со дополнителни прашања доби дополнителна слика за делото на светски познатите кинематографери.
