Пациентката од Тетово која требаше да се оперира од тумор на мозок, но,на неврохирургија одбиваа да и направат операција ,почина од компликации на коронавирусот, со кој се зарази во болница.Семејството е крајно разочарано од негрижата и непрофесионалноста.Ја однесовме да ја излечиме, ја вративме почината,вели синот Жарко. Две недели упорно се обидувале да стапат во контакт со болницата за да дознаат за состојбата на неговата мајка, но залудно.Единствениот повик што го добиле, бил само за да им соопштат дека починала.Се сомневаат дека не добивала соодветна грижа.
- Вртено е од повеќе броеви, многу пати, никој не се јавуваше, да ни каже како се третира жената,како е, што е.. она беше неподвижна, полусвесна, она не можеше сама да се храни, вода да пие..Немавме никаква информација.Јас ја однесов да се излечи, а не да добие уште една болест која за нејзе беше фатална-Жарко Трајковски- син на починатата.
Голготата им започнала крајот на ноември кога ја однеле во Скопје да се оперира.Како што дознало семејството,лекарите ја одолговлекувале операцијата,оти немало анестезиолог.
- Ние значи дознавме, е сега колку е вистина,дека немале анестезиолог.И еден од докторите кога разговаравме ни го потврди тоа, дека нема анестезија-Жарко Трајковски- син на починатата.
Жарко вели дека ќе бара правда и одговорност за случајот,оти верува дека, доколку мајка му ја оперирале на време и не би се заразила со ковид во болница, сеуште ќе била жива.
Милена Вучевска
https://www.youtube.com/watch?v=PekK6_aQANc&feature=youtu.be
