Претседателката на Косово, Вјоса Османи, го потпиша указот за распуштање на парламентот и најави дека ќе бидат распишани вонредни избори. Османи на прес-конференција изјави дека неуспехот на членовите на Собранието да изберат претседател синоќа го турна Косово во нови избори. Таа најави дека во текот на денот ќе одржи консултации со лидерите на парламентарните партии во врска со датумот на вонредните парламентарни избори. На синоќешната вонредна седница, одржана само неколку часа пред истекот на уставниот рок за избор на претседател, парламентот го прекина изборот поради немање кворум.
