Градоначалниците од Пелагонискиот Регион денеска дадода јавна поддршка на Регионалната платформа за млади, документ кој етаблира и е двигател на младинските политики, изработен од здружението на граѓани „Про-Локал“-Битола.
Платформата функционира како жив и динамичен простор за дијалог, каде што идеите на младите добиваат конкретна форма преку регионални иницијативи и политики, информираа од „Про-Локал“ по заедничка средба со пелагониските градоначалници.
Нова иницијатива во рамки на платформата е воведување посебна буџетска ставка „МЛАДИ“, која произлегува директно од соработката помеѓу младите и институциите. Овој чекор претставува конкретен пример како заедничките идеи можат да прераснат во системски решенија, посочија од „Про Локал“ Битола.
Активностите се реализираат во рамки на проектот „Младински политики по мерка на младите“, со поддршка од Владата на Швајцарија преку програмата „Цивика мобилитас“.
