Општина Ресен денеска го продолжи рокот за пријавување штети на земјоделски насади од природна непогода, голомразица на територијата на таа општина.
Пријавувањето на штетите се врши за природната непогода регистрирана во периодот од 1 до 4 мај годинава, а го зафати подрачјето на Општина Ресен.
Оштетените површини се пријавуваат според засадена површина, односно според соодветна површина која лицето ја поседува во ЕРЗС на Министерството за земјоделство, шумарство и водостопанство.
Пријавувањето на штети на земјоделски насади од природна непогода голомразица ќе се врши најдоцна до 30 јуни, потврдија од Општина Ресен.
