Општина Маврово и Ростуше обезбеди еднократен паричен надоместок комплет школски прибор за сите првачиња.
-Согласно програмските определби и приоритети на градоначалникот Онер Јакупоски, за поддршка на семејствата и унапредување на образованието, Општината за секое запишано прваче во сите општински основни училишта обезбеди по еднократна парична поддршка од 6.000 денари и училиштен ранец со комплетен прибор за почеток на училишната година, објавија од секторот за односи со јавноста.
Се додава дека оваа мерка има за цел да им овозможи олеснет почеток на семејствата во подготовките за училиште и да донесе радост кај најмладите при нивниот прв чекор во образовниот процес.
-Првачињата се нашата иднина и наша најголема радост. Наш приоритет е да им овозможиме подобри услови за учење и безгрижно детство. Со оваа поддршка сакаме да им посакаме успешен почеток и да им олесниме на нивните родители во овој важен момент, вели градоначалникот Јакупоски, кој им посака среќен, успешен и исполнет со знаења почеток на новата учебна година на сите ученици и нивните наставници.
Во оваа општина функционираат четири основни училишта и тоа во Ростуше, Скудриње, Маврово Анови и во Жировница, како и гимназија во Ростуше.
