Со свечена седница на Советот на Општина Македонска Каменица синоќа беше одбележан значаен јубилеј – 30 години од формирањето на Општината, како и 50 години средно образование во Македонска Каменица.
На свеченоста беа оддадени признанија на заслужни граѓани и институции кои со своето работење придонеле за развојот на локалната заедница. Посебно внимание беше посветено на успешните ученици и нивните ментори, како признание за нивните постигнувања и вложениот труд.
На прославата присуствуваа бројни гости и пријатели на Македонска Каменица, кои заедно со граѓаните го одбележаа овој значаен ден.
-„30 години општина. 50 години образование. Една заедничка приказна – Македонска Каменица“, порача градоначалничката Соња Стаменкова.
Одбележувањето на јубилеите беше потсетување на досегашните достигнувања, но и порака за продолжување на заедничките напори во градењето на иднината на Македонска Каменица, посочија од општината.
