Загадениот воздух ја уништува популацијата. Се повеќе болести се резултат на токсините кои ги дишеме. Не само во Македонија, ова е проблем и на светско ниво и мора да се реагира, зошто се повеќе луѓе ќе страдаат од карцином. Пуломолизите од повеќе земји кои се собраа во Скопје на конгрес алармираат да не се занемарува секоја кашлица и навреме да се побара лекарска помош. Тие апелираат секој од нас да придонесе за почист воздух, а надлежните институции да бидат поефективни за да го заштитат здравјето на граѓаните со поголема контрола врз индустријата и подобар јавен превоз.
“Она што треба да не загрижи во однос на сите болести е загадениот воздух.Нормално, сите земји патат од тој проблем.Се уште не сме се прфрлиле на користење на електрични автомобили колку што треба и нормално постои загадениот воздух од страна на индустријата, и на нас кои сакаме да летаме.Кога јас бев млад, ретко гледавме карциноми на плуќа кои се пушачи, а сега тоа воопшто не е реткост” вели проф. д-р Ратко Џукановиќ.
“Се што е алергија е и воспаление…воспаление може да биде и од инфекција.Ние треба да водиме сметка дали едно воспаление води кон симптоми на астма е од инфекција од вируси или бактерии и од други микроорганизми или пак е последица од алергични механизми” вели проф. д-р Попов од медицинскиот центар во Софија.
Освен се поголемиот бројот на пациенти со карцином на плуќа, Македонија има и закана од туберколоза.
Истражувањата покажуваат дека секоја година високите токсични честички во воздухот се директна причина за илјадници предвремено изгубени животи. Дополнително, со серија болести се особено погодени децата, кои последиците ќе ги чувствуваат до крајот на својот живот.
