Државниот јавен обвинител Ненад Савески денеска остварил работна средба со претставници на Канцеларијата на ОН за борба против дрога и криминал (УНОДЦ), на која биле разгледани можностите за унапредување на соработката во борбата против прекуграничниот криминал.
На средбата, како што соопшти ЈОРСМ, било разговарано за размена на информации, спречување на илегалната трговија со дрога и луѓе, како и за зајакнување на капацитетите на јавните обвинители во повеќе специфични области.
На средбата со Данило Рици, регионален претставник на УНОДЦ за Југоисточна Европа, Украм Насиров, шеф на Програмската канцеларија во земјава и Стојна Атанасовска Димишковска од Канцеларијата на УНОДЦ биле договорени специјализирани обуки за јавните обвинители во сферата на искористување на вештачката интелигенција во борбата против криминалот, спречување на трговијата со нови видови наркотици, како интензивирање на регионалната соработка за поефикасен прогон на прекуграничен криминал по должината на Коридорот 8.
Во следниот период, како што се наведува во соопштението, ќе продолжи интензивна координација со цел операционализирање на сите аспекти на ваквата соработка.
