Економијата заздравува, инвеститорите се враќаат во државата…. Потврдена нова инвестиција во индустриската зона во Штип. Премиерот најави дека наесен ќе се удри камен – темелникот на фабрика која ќе произведува батерии, а производството ќе биде наменето за извоз. Според првичните податоци инвестицијата е во вредност од 35 милиони евра, доаѓа од европска држава и треба да вработи до 150 луѓе. Планот е за три години да извезува 300 милиони евра кои ќе влезат во домашната економија .
Покрај оваа се најавува влез на уште три мултинационални компании кои донеле интерна одлука за инвестирање во земјава . Премиерот соопшти дека инвестициите се потврдени, а според ТИРЗ очекувањата се дека четирите ќе бидат во вредност од над 150 милиони евра и ќе се отворат нови 1.300 работни места. Директорот на ТИРЗ очекува дека инвестицискиот циклус од јули лани до јуни годинава ќе биде над една милијарда и 200 милиони евра странски инвестиции
Премиерот е задоволен што економијата покажува добри перформанси и како што вели сме на врвот во регионот… Владата остaнува на проекциите за раст од 3.7 отсто што е планирано во ребалансот на буџетот, кој треба да влезе во собраниска процедура. Според Мицкоски економијата конечно заздравува и се креира позитивна бизнис клима
Инаку минатата година инвестициите достигнаа рекордно ниво од 1 милијарда и 255 милиони евра. Само во последниот квартал од 2024 година достигнати се 400 милиони евра странски инвестиции.
