Премиерот Христјан Мицкоски објави одлични вести за македонската економија – во месеците април, мај и јуни, бруто-домашниот производ порасна за 3,4 проценти. Особено ми е драго што секторите градежништво, транспорт и складирање силно растат. Тие се двигатели на македонската економија.
Во вториот квартал, секторот градежништво порасна за 7,3 отсто – уште посилен раст од тој во првиот квартал, кога изнесуваше 7,1 процент, додека секторот транспорт и складирање порасна за 6 отсто, напиша вицепремиерот и министер за транспорт, Александар Николоски, на својот Фејсбук профил.
Николоски е уверен дека растот во третиот квартал ќе биде уште посилен:
„Со засилената активност во делот на изградба на патишта, инвестиции во железници и проекти од локално значење, растот во третиот квартал ќе биде уште посилен, благодарение на вредните работници кои работат во секојвакви временски услови, и јасните политики и стратегија на Владата и Министерството за транспорт“, истакна вицепремиерот Николоски.
