За само две години Владата вложила 350 милиони евра во општините. Низ државата се релиаизраат стотици локални проекти кои директно го подобруваат живтот на граѓаните. Според вицепремиерот и министер за транспорт Александар Николоски само преку проектот за локални патишта, од 2024 до 2026 година се инвестирани над 25 милиони евра. Тој истакна дека ова е најсилната поддршка што локалната самоуправа ја добила досега, нагласувајќи дека целта е подобра инфраструктура,побезбедни улици и поквалитетен живот за граѓаните во сите општини низ државата.
“Рехабилитирани се 96 улици во 72 општини, во вкупна должина од 72 километри, а во фаза на реконструкција се уште 31 километар патишта, што значи дека некаде околу 103 километри патишта се рехабилитирани, изградени целосно нови или во тек се на изградба во овој момент со поддршка на Светска банка” – изјави вицепремиерот и министерот за транспорт Александар Николоски
Освен засиленото инфрастуктурно работење, со поддршка од Светска банка се набавуваат и 49 нови возила и машини за чистење – вредни 4,2 милиони евра. Тие треба да помогнат во борбата со нечистотијата на улиците и преполните контејнери.
“Се купуваат 17 мултифункционални возила за урбано одржување хигиена со вкупна вредност од 1,5 милиони евра, 3 мултифункционални возила за урбано одржување хигиена со соодветни механизми со вредност од 283 илјади евра, 9 специјализирани камиони кои што се во вредност од 982 илјади евра, 21 машина за чистење на улици во вредност од 1,3 милиони евра или вкупно како што кажав за 4,2 милиони евра се купуваат 49 возила со поддршка на Светска банка” – изјави Николоски.
Од Град Скопје најавија дека за само еден месец ќе бидат поставени и 2.600 нови контејнери на различни локации.
“Чекаме во секој момент да биде потпишан договорот за набавка на 2.600 нови контејнери. Станува збор за бројка што не е набавена последните десет години. Дури и ако се соберат сите набавки на контејнери во изминатата деценија, не се достигнува оваа бројка. Недостигот од контејнери беше еден од најсериозните проблеми во Комуналната хигиена. На многу микролокации во градот недостигаа контејнери, а постојните со години не беа заменети. И тој проблем веќе го решаваме – истакна Ѓорѓивски
Во ЗЕЛС се одржа состанок со голем број градоначалници од скопскиот регион, на кој главна тема беше развојот на одржливата урбана мобилност и подобрувањето на сообраќајната инфраструктура.Тие порачаа дека потребни се мерки за побезбеден, поефикасен и поеколошки транспорт во општините.
