Потпретседателот на ВМРО ДПМНЕ, Александар Николоски е реизбран за потпретседател на групата на Европската Народна Партија, во Советот на Европа во Стразбур. Оваа позиција, Николоски ја извршуваше и изминатите две години, а денеска ја доби поддршката од членовите на Европската Народна Партија и за следните две. Со ова паѓаат во вода тезите на СДСМ И ДУИ дека само тие имаат поддршка од меѓународната заедница. Напротив во изминатиов период странски дипломати постојано ја критикуваат власта во Македонија поради криминалот и корупцијата, а последниот извештај од ЕК беше еден од најлошите во последниве години.
Николоски вели дека неговиот реизбор е една потврда и поддршка и за Македонија како и за неговата политичка партија, ВМРО-ДПМНЕ која што е член на Евопската Народна Партија.
„Во следните две години ќе продолжам да се залагам за заштита на човековите права, на малцинските и на јазичните права на сите оние на кои што им се загрозени, особено на Македонците кои што живеат во Бугарија, во Грција и во Албанија кои што немаат признати малцински јазични права“, изјави Николоски по редовната зимска сесија на парламентарното собрание на Советот на Европа.
Покрај Николски, избрани се уште пет други политичари на оваа позиција како потпретседатели на Европската Народна Партија во Советот на Европа. Тоа се проминентни политичари кои што доаѓаат од држави како Германија, Италија, Норвешка и Полска. Според Николоски ова е еден престижен избор кој покажува што треба да прави во следниот период и на каде треба да се движи политиката на ВМРО-ДПМНЕ, но и на Македонија.
