До крај на годината уште најмалку шест нови авио линии ќе имаме од скопскиот и охридскиот Аеродром, рече вицепремиерот и министер за транспорт, Александар Николоски, во емисијата Само Интервју.
-До крај на годината уште нови 6 линии ќе објавиме кои ќе оперираат од скопскиот и охридскиот Аеродром. Кога дојдов на позицијата министер увидов дека бројот на патници се намалуваше а аеродормите во регионот ја зголемуваа конкуренцијата. Морам да кажам дека по каркатер имам натрпреварувачки дух и тоа беше голем мотив да ги сменам работите и еве сега се менуваат. Ќе имаме нови дестаинации и нека повелат колегите од Бугарија, Албанија, Србија да се натпреваруваме, мислам дека јас ќе донесам најмногу авиолинии- истакна вицепремиерот и министер, Николоски.
