Нема загадување на воздухот по пожарот во Трубарево, покажуваат првичните мерења

Нема екстремно зголемување на концентрации на ниту еден од елементите во воздухот, по големиот пожар во Трубарево, покажуват првичните анализи од мерните станици кои на 14 септември, ги постави Амбикон, лабараторијата за мерење на квалитетот на воздух при штипскиот Универзитет.   Измерените концентрации се движат во рамки на дозволеното и  се вообичаени за  урбаните средини. Достигнуваат од 28 до 40 микрограми на метар кубен, од дозволените 50 микрограми. Дополнително се анализираат уште два од поставените филтри, објаснува проф. д-р Дејан Мираковски. Предвидено е во наредниот период да се направи и превентивен мониторинг на почвата и подземните води.