„Клуч на врата“ за осум трговци. Три маркети, една аптека и тројца од најголемите увозници на овошје и зеленчук меѓу субјектите кои ќе бидат затворени 15 дена поради тоа што ги прекршиле владините мерки за ограничување маржи и замрзнување цени. Покрај тоа што нема да работат две недели, тие ќе платат и парична казна
За 11 дена, односно од 24 февруари до 6-ти март, биле спроведени вкупно 365 инспекции при што биле констатирани 36 неправилности за кои има казни во вкупна вредност 42 илјади евра. Во моментов Пазарен анализира уште 30 предмети каде се опфатени сите големи ланци на маркети
Во меѓувреме во собранието се изгласа законот со кој сите трговци кои имаат над 10 вработени имаат обврска да ги објавуваат сите цени на своја веб страна. Ова ќе започне со примена од април бидејќи се уште трае моментот на прилагодување. Од пазарниот инспекторат се децидни, цената на рафт и цената која ќе биде објавена онлајн ќе мора да е иста, примената на законот ќе ја контролира инспекторатот, а за оние што нема да почитуваат ќе следуваат казни.
Според директорот Стојкоски, треба да се почека за да се видат ефектите од законот за нефер трговски практики затоа што ограничувањата на рабатот, кој според законот мора да биде до 10 отсто се гледаат на годишно ниво
До крајот на април на сила се две мерки за намалување на цените. Со едната се ограничуваат маржите скалесто од 5 – 15 отсто за 100 групи производи, а паралелно со тоа се замрзнуваат цените на лебот, брашното, киселото млеко, јајцата, маслото и јогуртот. На терен контролираат 192 инспектори низ цела Македонија.
