Реклама

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Македонија

Нема одговор што ќе се случи со армијата советници на Заев по неговото заминување од Владата

Ќе ги задржи ли Спасовски педесетмината на Заев? Што ќе се случи…

Сподели:
Фото: Алфа Вести

Ќе ги задржи ли Спасовски педесетмината на Заев? Што ќе се случи со армијата советници на премиерот по неговата оставка, односно по формирањето на преодна Влада и клучно, дали вооошто се потребни советите што според груба пресметка ги чинат граѓаните најмалку 25.000 евра месечно во период на „влада за избори“?

Од кабинетот на Заев, избегуваат да дадат одговор на низата прашања за иднината на историски најбројните 50 владини советници. Па велат, премиер сè уште бил Зоран Заев, а нè упатија одговори да бараме преку слободен пристап на информации. Оттаму вообичаено појаснувања се добиваат за најмалку триесет дена.

-Претседател на Владата на Република Северна Македонија сѐ уште е Зоран Заев. Исто така, не е закажана седница за гласање на техничка Влада. Ви посочуваме Вашите прашања да ги упатите преку слободен пристап до информации од јавен карактер, преку соодветната законска постапка, велат оттаму.

Реклама

Ама од Владата не одговараат ниту колкав е моменталниот број на советници, откако дел од нив си заминаа, а и каков договор има секој еден што „му дели ум“ за пари на претседателот на Владата.

Според досегашната пракса, можни се неколку опции. Идниот технички мандатар, има право да одлучи дали ќе ги задржи, ќе ангажира нови или воопшто нема да има советници, бидејќи ваквите ангажмани се поврзани со владиниот кабинет, односно, со лицето што во моментот ја извршува функцијата – премиер.

Па, ако сè оди според планот и профукционира техничката влада, Оливер Спасовски ќе има моќ да одлучи дали во наредните три месеци, ќе се плаќа за совети што во т.н. „предизборен процес“ не се неоходни, оти има ситуација „лер“ кога се замрзнати сите постапки. Неизвесно е дали тој како технички премиер ќе даде „амин“ во наредните три месеци „за џабе“ да се исплатат околу 75.000 евра, народни пари. Секако, во оваа сума не се вбрујуваат службени патувања во странство, телефонски сметки и деловни состаноци, кои се ставаат под ставка „привилегии“ на советниците.

Износот 75.000 ќе беше и уште поголем, но дел од експертите на Заев, на два месеци пред формирање на техничка влада, решија да си најдат друга работа. Па тој си остана без специјалната, за земјоделие, Ленче Николовска која си најде уште поплатена работа, а крај на советите за Заев одлучи да стави и Мерсел Биљали кој, „делеше ум“ за подобрување на меѓуетничките односи.

Од списокот советници на Заев претходно, се прешкрта и универзитетскиот професор Ванчо Узунов, кој според договорот требаше да советува до крајот на 2019 година.

Сања Трајковска Ставров