Празни делегатски столчиња, истрошени партиски кадри и скиселени лица – 32-от конгрес на СДСМ, повеќе наликуваше на приватна забава на Филипче, отколку на некаков си „Фронт за вистина и правда“, кој треба да донесе обединување на партијата. Своевиден бојкот на конгресот имаше и од поранешните партиски лидери. Се појавија Бучковски и Ковачевски, но тројцата лидери со кои СДСМ се гордее Црвенковски, Шекеринска и Заев ги немаше. Немаше ни некои нови лица кои требало да се иднината на социјалдемократите. Според познавачите, ваквата атмосфера остава впечаток дека тие под раководната палка на Филипче продолжуваат да тонат, затоа што еден конгрес треба да биде место каде ќе дојдат и задоволните и незадоволните, и да има дебата.
-Многу поранешни и сегашни видни лица кои што не присуствуваа на тој конгрес, со што за жал СДСМ праќа една порака дека нема единство внатре во партијата и дека не може да ги обедини сите струи и крила, за да може да настапи пред граѓаните. И обично кога тоа го гледаат граѓаните, тоа испраќа една лоша порака до гласачите, до симпатизерите и членови и затоа за жал се случува раслојување, кое што го имаме и сега, а се најавува и некое ново раслојување во иднина, изјави претседателот на партијата „Српска демократска лига“, Саша Богдановиќ.
Покрај тоа што самата атмосфера покажа дека состојбата во СДСМ е далеку од добра, на конгресот од партискиот лидер можеа да се слушнат веќе видени фрази. Иако се водржа да го изусти директно поимот „ставете ги Бугариоте во устав“, главната поента му остана дека мора да се исполни ветеното кон Европската Унија. Според Богдановиќ со своите фразни фрази, Филипче само отвора проблеми каде што не се потребни за партијата.
-На еден начин отворате непотребен фронт, истото тоа го прави и со новинари, со поранешни фунцкионери, луѓе кои што имаат различно мислење и со тоа пак продолжува со раслојување на партијата и затоа се тие празни столчиња, бидејќи тие луѓе не согласуваат со таквиот начин на водење на политичката партија СДСМ, изјави Богдановиќ.
Инаку, Венко Филипче на вчерашниот конгрес, по речиси две години раководење во партијата, кажа дека сега ќе ја враќа социјалдемократијата во СДСМ. На 32-от програмски конгрес насловен „Твоја држава- твоја шанса“, опозициската партија промовираше како што самите си ја нарекоа нова идеолошка платформа, каде можеше да се видат мерки вадени од ракав.
Матеја Петровски
