Измените на Кривичниот законик се косат со европското законодавство и се донесоа без да се отвори јавна расправа за последиците, коментираат дел од пофесорите на Правниот факултет кои дел од работната група на Националната конвенција за Европска унија за реформи во правосудството.
Последиците од измените коишто СДСМ и ДУИ ги донесоа лани во септември се застарување на коруптивни кривични дела, а тоа ја поткопа и онака малата доверба на граѓаните во правосудниот систем и ефективноста во борбата со корупцијата, коментира професорката по кривично право Александра Деаноска Трендафилова. Судиите и обвинителите мора да најдат начин да ми го покажат местото на политичарите и да ги држат далеку од правосудниот систем, вели професорката.
Измените на Кривичниот законик речиси и да не задржа ниту еден осуден функционер на издржување казна затвор, коментира Мухамед Халили од Советот на амбасадори.
Ланската година владините претставници велеа за измените дека се работи за усогласување на законското решение со директивите на ЕУ. Тогашната опозиција во парламентот критикуваше дека се работи за обид за амнестија на актуелните функционери во случај на промена на власта.
Законски измени во Собранието ги образложуваше поранешната заменикчка на министерот од правда Викторија Аврамовска – Мадиќ. Таа тврдеше дека намерата била да се обезбедат јасни, прецизни и цврсти описи на кривичните дела и дека предлог-измените ќе доведле до проширување на опфатот на дела за кои ќе се предвидува конфискација.
Измените беа остро критикувани од пратениците на тогашната опозиција од ВМРО-ДПМНЕ.
Со нив се избриша делото за злоупотреба на службената положба при вршење јавни набавки со кои се предвидуваше најмалку 5 години затвор. Истот ака за злосторничко здружување наместо 10 години со измените, казната е најмалку 3 години затвор.
