На запад снег, а на исток одрони. Зимската идила го отежна сообраќајот. Надлежните апелираат да се вози внимателно и со намалена брзина. Од Македонија пат, информираат дека се уште е на сила забраната за сообраќај на патниот првец Тетово-Попов Шапка. Утринава критично беше и на патниот правец Охрид -Кичево, кај планинскиот превој Пресека. Извесен период сообраќајот беше во прекин, откако камион се излизга на патот. И додека во западниот дел на државата, снежните врнежи ги прават првите проблеми, во источниот регион порди одрони на карпи, најкритично е кај Македонска Каменица.
„Од село Истибања кон Македонска Каменица, Делчево-Берово, Берово-Струмица и Берово-Виница. На овие патни правци имаме поинтензивни врнежи од дожд и поголем обем на одрони. Во текот на денот повеќе пати се излегува и се интервенира на сите патни правци„ изјави Влатко Цоневски, од штипската подружница на Македонија пат.
Утринава истокот се разбуди со врнежи од снег. Од штипската подружница на Македонија пат, објаснуваат дека имат доволно абразивен матрејал и механизација, но им недостига технички кадар.
„Со абразивен матрејал сите пунктови се обезбедени. Навремено имаме дотур на сол и ризла на секој пункт одделно. Возилата се тие што ги имаме. Секогаш кубуриме со нешто. Сега имаме голем недостаток на работна рака, за разлика од претходно„ изјави Влатко Цоневски, од штипската подружница на Македонија пат.
Засега во источниот регион на државата нема забрана за движење по одредени патни правци, а сите превои кон Пониква, Голак и Берово се чистат редовно.
Александра Ристевска
