На Универзитетот „Гоце Делчев“ (УГД)-Штип во тек е третиот уписен рок за студенти во прва година за академската 2026-2027 година. Во првиот и вториот уписен рок се пријавиле 1.500 студенти, а само денеска во рамките на третиот уписен рок се пријавени 300 нови кандидати. Од УГД-Штип соопштија дека уписот ќе трае и утре.
-Од првиот и вториот уписен рок имаме пријавени над 1.500 студенти. Од третиот уписен рок, кој се уште трае, досега имаме пријавени над 300 студенти. Уписот ќе трае и утре, а вкупниот број е поголем од лани- соопштија од УГД – Штип.
Во претходните два уписни рока пополнети се сите предвидени места на Факултетот за медицински науки, односно на студиските програми по општа медицина, дентална медицина и фармација, како и на Факултетот за образовни науки на студуиската програма за одделенски наставник.
Од УГД очекуваат до завршувањето на третиот уписен рок бројот на пријавени студенти дополнително да се зголеми.
