Билатералните разлики, блокадата на европскиот пат на македонија од страна на бугарија, положбата на македонското малцинство во Бугарија. Ова биле главните теми на средбата помеѓу министерот за надворешни работи и надворешна трговија Тимчо Муцунски и шефот на бугарската дипломатија, Георг Георгиев.
Првиот македонски дипломат изразил жалење што односите на релација Скопје – Софија остануваат оптоварени со билатерални спорови кои станаа непринципиелна пречка на македонскиот евроинтегративен процес.
„Муцунски истакна дека сите отворени прашања треба да се решаваат одговорно, преку дијалог и со взаемна почит и разбирање, бидејќи добрососедските односи покрај другото подразбираат и поддршка за европските интеграции“, се вели во соопштението на министерството за надворешни работи и трговија.
Муцунски го отворил и прашањето за почитување на правата и слободите на македонското малцинство во бугарија и ја нагласил потребата од спроведување на одлуките на европскиот суд за човекови права.
Оваа средба се одржа на маргините на минхенската безбедносна конференција.
Бугарскиот министер пак порачал дека нема да има репреговарање и дека првиот чекор се уставни измени.
Како што јавува бугарската новинска агенција „БГНЕС“ Георгиев порачал дека компромисот од 2022 година мора да се почитува и тоа било единствениот пат напред.
