Силната соработка се гради со присуство, со размена на идеи и со заедничка визија. Унијата на жени на ВМРО-ДПМНЕ продолжува да ја унапредува својата соработка со EPP Women, како дел од нашето европско политичко семејство, стои во соопштението од ВМРО-ДПМНЕ за активностите на претседателката на Унија на жени Марија Митевa.
Овие два дена учествувам на академијата „Да ја искористиме силата на жените“ во Атина, која претставува можност за споделување на искуства, воспоставување нови иницијативи за градење соработки, како и за отворена дискусија за актуелните предизвици со кои се соочува Европа.
Упатувам искрени честитки до Mairead McGuinness за изборот за претседателка на организацијата на жени на Европската народна партија. Нејзиното долгогодишно искуство и посветеност се значаен потенцијал за понатамошно зајакнување на организацијата.
За нас ова е континуитет на долгогодишното партнерството што го градиме, со амбиција за уште поголема соработка, посилно поврзување и поголема видливост на Унијата на жени на ВМРО-ДПМНЕ во европското политичко семејство.
Продолжуваме заедно, со јасна европска перспектива и зајакната соработка.
