Министерот за правда, Јетон Шасивари, и заменикот на министерот за правда, Ален Деребан, денеска остварија средба со универзитетските професори, Владо Камбовски, Александра Деаноска-Трендафилова и Гордана Лажетиќ, на која се разговараше за прашања од значење за развојот на правниот систем и унапредувањето на реформите во правосудството.
Како што соопшти Министерството за правда, на средбата посебно внимание било посветено на Кривичниот законик, Законот за кривична постапка и Законот за извршување на санкциите.
– На средбата се разговараше за прашања од значење за развојот на правниот систем и унапредувањето на реформите во областа на правосудството, особено за Кривичниот законик, Законот за кривична постапка и Законот за извршување на санкциите. Се укажа и на потребата од зајакнување на правните стандарди, зголемување на ефикасноста на институциите и креирање политики кои придонесуваат кон изградба на современ и функционален систем – стои во соопштението.
Министерот Шасивари ја истакнал важноста од континуирана соработка со академската заедница и правните експерти, чиј стручен и научен придонес е од особено значење за подготовката на квалитетни законски решенија и унапредувањето на реформските процеси.
Од Министерството посочуваат дека континуираниот дијалог меѓу институциите и академската заедница е од особено значење за натамошно унапредување на правниот систем и зајакнување на владеењето на правото.
