Министерот за правда Јетон Шасивари оствари работна средба со директорката на Институтот за европска политика (ЕПИ), Симонида Кацарска, на која се дискутира за актуелните реформи во правосудството и за законските решенија што произлегуваат од реформската агенда и Поглавјето 23.
Како што се наведува во соопштението, беше истакната важноста од отворен дијалог и вклучување на граѓанскиот сектор во креирањето и спроведувањето на реформите, како и спроведувањето на секторската развојна стратегија за правосудството.
– На средбата беше потврдена определбата за продолжување на конструктивната соработка, со цел реформите да се темелат на јасни приоритети, мерливи резултати и европски стандарди – посочуваат од Правда.
