Во рамки на официјалната посета на Австрија, денеска во Виена се одржа пленарна средба на двете владини делегации, на која министерот за животна средина и просторно планирање, Муамет Хоџа, се осврна на приоритетите во процесот на зелена трансформација.
Хоџа нагласи дека земјата се соочува со наследени еколошки предизвици и дека фокусот е на нивно решавање преку трајни системи и капитални инвестиции.
Меѓу приоритетите издвоени пред двете делегации се истакнаа регионалните центри за управување со отпад, и изградбата на пречистителни станици како конкретни чекори кон затворање на нестандардните депонии и намалување на загадувањето на водите.
Австрија беше посочена како модел и клучен партнер во процесот на усогласување со европските стандарди, а министерот Хоџа изрази убеденост дека посетата на високо владино ниво ќе поттикне конкретни чекори во билатералната соработка – за добробит на животната средина и граѓаните во двете држави.
