Министерката за образование и наука Весна Јаневска денеска во Штип ќе ја отвори Летната школа на Заедничкиот истражувачки центар на Европската комисија (JRC) што ќе трае пет дена и ќе опфати клучни теми поврзани со проценка на квалитетот на воздухот, почвата и водата, значајни за реализација на Европската зелена агенда.
Заедничкиот истражувачки центар е оддел на Европската комисија којшто има клучна улога во повеќе фази од циклусот на креирање политики, преку научни експертизи и компетенции од многу широк спектар на научни дисциплини.
