120 нови еколошки автобуси за Скопје, но и за другите општини. Владата започна јавна набавка со која треба да се поднови возниот парк во градскиот превоз. Премиерот вели дека со оваа иницијатива се прави и голем чекор напред за почист воздух и пристојна животна средина за граѓаните.
„Владата на вчерашната седница донесе одлука за отпочнување на постапка за набавка на 120 автобуси. Од тие, 80 ќе бидат наменети за Јавното сообраќајно претпријатие во Скопје, а 40 ќе бидат во оваа првична фаза распределени на другите сообраќајни претпријатија во општините… Тоа што е важно е што нема да има загадување, итн. нешто што им е очајно потребно на граѓаните, посебно за време на грејната сезона“ вели Христијан Мицкоски, премиер
Граѓаните задоволни од најавите за поднова на возниот парк. Се надеваат дека со набавката автобусите ќе доаѓаат поредовно и дека ќе се намали времето на чекање и метежот. Просечната старост на авотобусите на ЈСП е 13 години кога беше направена и последната голема набавка.
Давид Крстевски
