Следната година граѓаните ќе плаќаат пефтина струја за 5 до 10 проценти – прогнозира премиерот Христијан Мицкоски. Владата го подготвува теренот за преговори со ЕВН хоум и ЕСМ во пресрет на новата цена на електричната енергија. До крајот на годината треба да биде распишан тендер кој ќе го одреди клучното прашање за секое домаќинство- колку ќе чини струјата од јануари 2027. Според Мицкоски, ако овие проекции се реализираат, тоа би значело пониски сметки за илјадници семејства во услови кога граѓаните со години се соочуваат со раст на животните трошоци.
“Тоа ќе биде нешто што досега не се случило – да ги искористиме поволностите на обновливите извори на енергија, тоа е Сонцето, и во тој микс во текот на целата година да обезбедиме просечна цена на електричната енергија којашто, еве, јас сум умерен оптимист, би била 5 до 10 проценти поевтина од сегашната. Но, ајде да видиме како сето тоа ќе го операционализираме..” – рече Мицкоски.
Очекувањата на премиерот се дека до крајот на годинава, Македонија за прв пат наместо за увезува, ќе почне да извезува струја – што е доказ за стабилноста на енергетискиот систем во државата. Се воведуваат и реформи во тргувањето со електрична енергија со цел државата целосно да ја трансформира својата енергетска позиција.
“Нашата цел заоваа година, за прв пат на крајот од годината бидеме нето извозник на електрична енергија и мислам дека тоа ќе го постигнеме.Добро е што државната ЕСМ се консолидира и во првиот квартал од годината очекувам за прв пат да имаме позиивни резултати. Консолидирани се акумулациите знаете во јуни 2024 на некои 7 посто денеска се на 80 проценти исполнетост.” – вели премиерот.
Експертите укажуваат дека полека но сигурно Македонија станува енергетски независна. Од Регулаторната комисија за енергетика очекуваат целокупната произведена струја да биде доволна за домашниот пазар. Но, вишоците на произведената струја од обнивливи извори засега не можат да се продадат во ЕУ, поради тоа што доцниме со усогласување на регулативите со Унијата.
Ања Лукарова
