Премиерот Христијан Мицкоски повтори дека една од примарните цели на владата е номиналниот бруто домашен производ да биде над 20 милијарди долари или 10 500 долари по глава на жител, како и намалување на јавниот и државниот долг под 50, односно 40 проценти.
Поттик на ваквите очекувања секако дека даваат домашните, но и странските инвестиции за што потврда имаше уште лани на крајот на годината, која ја завршивме со рекордно ниво на странски инвестици. Премиерот Мицкоски е задоволен од постигнатото и најави дека бранот инвестиции продолжува, конкретно уште во текот на месецов кога ќе се објават детали за старт на работењето на уште една компанија.
