Ќе се завршат започнатите капитални проекти и ќе се развиваат нови – Владата предвидува реализација на рекордни над 800 милиони евра капитални раходи во Буџетот, пари со кои ќе се инвестира во патна, железничка и енергетска инфраструктура. Се предвидуваат пари за завршување на закочените крупни проекти како автопатот Кичево – Охрид, интензивирање на изградбата на коридорите 8 и 10 д, инвестиции во енергетиката, земјоделството, образованието и здравството. Ќе се градат експресни и регионални патишта, училишта, градинки, болници и други јавни објекти.
На овој начин, владата планира да се создаде инвестициски циклус кој ќе го поттикне економскиот раст и во 2025 се проектира раст од 3,7 отсо.
Според премиерот Мицкоски мора да се заврши она што е започнато. Тој не гледа никаква оправданост во критиките од опозицијата на ова поле :
И опозицијата треба нешто да каже но тоа што го зборува опозицијата е целосно неточно, да треба некој да ги заврши тие проекти зарем треба да се случи истото со Кичево – Охрид? , вели Мицкоски.
Планот на власта е рално да ги реализираат предвидените пари за капитални инвестиции, а не како до сега тие да се трошат за трансфери до јавни прептпријатија и акционерски друштва за тековно работење.
Во поглед на патната инфраструктра се најавува градежна офанзива на над 200 килимтери патишта низ Македонија, а веќе се забележува побрза динамика на градење по откочувањето на бројните препреки кои ја забавуваа обновата на патната мрежа во земјава.
Опозицијата во рамки на амандманската расправа за Буџетот 2025 критикува дека е скроен недомаќински и неразвоен, а во предлогот не можело да се види ниту еден нов позначаен проект за развој на државата освен продолжение на проектите кои тие ги започнале. Тие најавија дека нема да го поддржат и поднесоа над 200 амандмани.
