„Никогаш веќе да не се разговара за историски прашања кои задираат во македонската особеност, никој нема право да го оспорува македонскиот национален идентитет“ – премиерот од срцето на Европската унија порача дека Македонија го заслужува своето место на масата во Брисел, меѓу народите кои споделуваат исти вредности и визија.
Досегашната дипломатска офанзива која се покажува како успешна и позитивните пораки што Македонија ги слушна периодов од Брисел ветар во грб за владината делегација која пред европските челници ги претставува предлог решенијата за откочување на евроинтегративниот процес и отворање на првиот кластер..
Да испратиме порака дека Македонија го заслужува местото во ЕУ, на истата маса заедно со нив бидејќи ние споделуваме исти вредности, веруваме,и тоа е да бидеме обединети во различностите. Состанок со Каја Калас, разговаравме за сите стравови како држава и народ ги имаме и се она што направивме во име на евроспките вредности и веќе никогаш не смееме да разговараме за билатерални прашања, за идентитетски прашања, никој нема право да го оспорува нашиот многувековен идентитет, порача Мицкоски од Брисел.
На Самитот ЕУ – Западен Балкан Мицкоски го придружуваат министерот за надворешни работи и надворешна трговија, Тимчо Муцунски и министерот за европски прашања, Орхан Муртезани.+
Најавувајќи средби со шпанскиот премиер и премиерот на Полска Мицкоски изјави дека таму се да ги бранат македонските интереси и македонскиот идентитет.
Тој на сите соговорници ќе им го посочи планот за надминување на проблемот со Бугарија – уставни измени со одложено дејство, што ќе ја заштитат Македонија од понатамошни блокади од источниот сосед.
Во меѓувреме поранешниот премиер на Бугарија Бојко Борисов, со критички изјави кон неговата земја. Вели дека Бугарија ја изгубила моќта и позицијата во НАТО и Брисел, за важни прашања меѓу кои и за евроинтегративниот пат на Македонија. Борисов најави учество на самитот ЕУ-Западен Балкан и средба со унгарскиот премиер Виктор Орбан, додека преговорите за нова влада во Бугарија сè уште се во тек.
