Македонија забрзано напредува. Расте БДП, растат инвестициите и вложувањата. Паралално државата го намалува и јавниот долг. Лани растот на БДП изнесуваше 3,5%, додека пак претходната година 3.Од друга страна, јавниот долг на крајот на јуни изнесува 58,8% од БДП , при што се забележува континуирано намалување. Споредено со крајот на 2024-та, долгот е намален за 2,6 отсто. Премиерот Христијан Мицкоски вели дека ваквите резултати се должат на правилно спроведените економски политки од оваа Влада кои се на врвот на листата на приоритети.
“Ако се спореди периодот на претходната влада на СДСМ и ДУИ со периодот на оваа Влада на ВМРО-ДПМНЕ, ВРЕДИ и ЗНАМ, тогаш ќе дојдеме до следните параметри: за трипати пократок период БДП пораснал за 120 милиони евра повеќе. Со други зборови — три спрема еден. Отприлика таков е и односот на рејтинзите на политичките партии, но такви се и резултатите во економијата. Дали е тоа доволно? Не. Дали треба уште да се работи? Да. Но, имајќи предвид дека до пред три години бевме убедливо на дното во регионот, сега сме на прво или второ место кога станува збор за овие параметри“, изјави Премиерот.
Градежништвото засега е моторот на растот на македонската економија. Покрај општините кои започнаа со градежните активности, силен раст во секторот придонесува и изграбата на автопатите и железницата. Се гради инфраструктура која треба да донесе и конктинуиран раст на економијата.
„кога ќе ги погледенте параметри ќе забалежите дека градежништвото расто со стапка поголема од трисест проценти во делот на издадени одобренија за градба. Но, она кое што нас не охрабрува е и вредноста на работите кои што ќе се реализуираат во градежништвото, кој што исто така е над 30 проценти споредбено со истиот период минатата година„ додаде Мицкоски.
Покрај градба на новите објекти, паралелно се работи и на веќе започнатите големи инвестиции. Следниот месец започнува изградбата на автопатот од Скопје до Блаце. На почетокот од следната година се очекува да започне со градба брзата пруга кон Грција, по коридорот 10, а паралелно се работи и на железничкото поврзување со Бугарија. Со ненамалено темпо се обезбедуваат и ресурси за стабилна енергетска состојба во државата со гасното поврзување со Грција, со што Македонија од две страни ќе се снабдува со гас, а паралелно ќе извезува и кон Србија, откако ќе заврши поврзувањето по коридорот 10.
