Градоначалникот на општина Чаир, Изет Меџити, синоќа ја проследил претставата „Татко“ во рамките на вечерта со посебно значење посветена на 53-годишнината од уметничката кариера на актерот Бајруш Мјаку.
Преку претставата, која обработува чувствителна тема, како Алцхајмеровата болест и односот со родителот, Мјаку уште еднаш ја покажува силата на својата актерска интерпретација и искуството од кариерата подолга од пет децении, исполнета со улоги и значаен придонес во албанскиот театар.
– Повеќе од пет децении на сцената, со улоги што оставија трага и со исклучителен придонес во албанскиот театар. И вечерва Бајруш Мјаку ја покажа силата на големиот уметник да нè допре преку својата уметност. Почит и благодарност за 53 години уметност, улоги и драгоцен придонес на албанската сцена – изјавил Меџити.
Од Општината информираат дека Меџити изразил признание и благодарност до Бајруш Мјаку за неговиот долгогодишен придонес во уметноста и културата.
