Кинематограферите Жан Мари Дружу, Жулиет Ван Дормаел и Томасо Фиорили одржаа мастерклас на тема „Снимање во магичниот час“ за како што нагласија еден од најпредизвикувачките, но и најмагични моменти во снимањето – краткиот период кога природната светлина создава специфична атмосфера и визуелен изглед.
Презентирајќи искуства и примери од филмови, истакнатите кинематографери ги споделија техниките, креативните одлуки и предизвиците при работењето со светлината во овој период од денот.
За Фиорили, „магичниот час“ не е само прашање на убаво природно светло, туку и на прецизен избор на моментот за снимање. Во тој краток временски прозорец, светлината постојано се менува не само во интензитетот, туку и во бојата и квалитетот, а тоа бара внимателно планирање од страна на кинематограферот.
Пред аудиториумот во Битола Жулиет Ван Дормаел прикажа конкретни сцени од филм и зборуваше за снимањето во магичен час и начинот на користење природна светлина за постигнување посакуван лик на сцената.
