Долгогодишниот претседател на Општинската организација на СДСМ во Струмица, Марјан Даскаловски, се повлече од функцијата. Тој за својата одлука веќе го известил претседателот на партијата, Венко Филипче, а информацијата ја сподели и преку социјалните мрежи.
Даскаловски појаснува дека неговото повлекување од лидерската позиција во едно од најсилните партиски упоришта на СДСМ е мотивирано од лични причини.
„Оваа одлука ја носам со мирна совест и чисто срце, воден пред сè од лични причини. Изминатиот период беше исполнет со многу работа, заеднички победи, но и предизвици со кои се соочувавме секогаш со крената глава и со мисла за доброто на Струмица“, нагласува Даскаловски.
