Покачувањето од 40% на платите на административните службеници, Трендафилов ги одбива по насока на СДСM и на Левица.
Избраникот на СДСM кој беше наместен преку Јованка Тренчевска за претседател на ССМ, Слободан Трендафилов, и ден денес продолжува да работи за СДСM, а не за интересот на работниците.
Трендафилов одбива да им се зголемат платите на работниците во јавниот сектор, затоа што мора да возврати на СДСM кои го поставија за претседател на ССМ. Тој заедно со неговите другари ја продолжија послушноста кон СДСM, која ССМ ја има историски.
Трендафилов бара зголемување од 5-% на минималната плата, за само една година, а изминатите 7 години во време на СДСM, минималната плата вкупно не се зголеми за 50%. Дополнително, ССМ и Трендафилов, не ги слушнавме ниту еднаш да говорат дека во времето на СДС се живееше тешко, со двоцифрена инфлација, со скапи цени по маркетите и со сметки за струја високи до плафон. Тогаш за Трендафилов и ССМ изгледа добро се живеело.
Но, сепак ВМРО-ДПМНЕ е партија која размислува за иднината и доброто на работниците. Единственото моментално решение за зголемување на платите и на минималната плата, а притоа да немаме економска криза, висока инфлација и дупки во буџетите, е зголемување на платите за околу 14% во април годинава, а вкупно околу 40% до 2028 година или во бројка над 10.000 денари би се зголемила платата во администрацијата за само 2 години од денес.
Го повикуваме Трендафилов барем еднаш да ја остави политиката на страна и да размислува за граѓаните и работниците. Да го прифати предлогот на Владата и работниците да добијат зголемени плати.
