Партиските притисоци предводени од СДСМ и ДУИ разрешувале судии за еден ден. Ристо Катевеновски, поранешен судија на Врховниот суд тврди дека бил разрешен поради тоа што не дал позитивно мислење за судски случај по барање на тогашните власти СДСМ и ДУИ, истакна на прес-конференција Валентин Манасиевски, член на ЦК на ВМРО-ДПМНЕ.
На судско рочиште судијата Катевеновски истакнал дека нема да даде позитивно мислење во случајот поврзан со поранешната министерка за внатрешни работи, Гордана Јанкуловска, и дека ќе биде потребно да се разговара со неговите колеги за понатамошно дејствие.
Но, по само еден ден од оваа дадена изјава на Катевеновски, кој вели дека била дадена зад затворени врати, Судскиот совет свикал итна седница на која тој бил разрешен.
Сведоштвото на Катевеновски води кон тогашните власти, а како што вели тој – неговото разрешување дошло од СДСМ и ДУИ, или во превод од Зоран Заев и Али Ахмети.
Правдата и вистината која Заев ја ветуваше кога дојде на власт се покажа како селективна.
Но, она што е клучно е тоа дека повторно добиваме сведоштва за притисокот на СДСМ и ДУИ, кон правосудните органи. Она кое ние го говориме во јавноста со години, сега веќе и се потврдува. Тие биле оние кои одлучувале кој ќе се апси, а кој ќе се апстрахира од одреден случај. СДСМ и ДУИ си ја партизираа државата и нејзините институции.
ВМРО-ДПМНЕ тоа повеќе нема да го дозволи повеќе. Потребна е одговорност!
