Кога трагата за криминалот води кон политички и бизнис структури поврзани со СДСМ и ДУИ, нивните инсталации во правосудството ја ставаат правдата во втор план. Со години гледаме како мал дел на корумпирани судии и обвинители работеа под принципот за едни законот да важи веднаш, а за луѓето на СДСМ и ДУИ, предметот да заврши поинаку, се вели во соопштението на ВМРО-ДПМНЕ од денешната прес-конфернција на Валентин Манасиевски, портпарол на ВМРО-ДПМНЕ.
На судиите и обвинителите кои мислат дека и понатаму можат да одработуваат за старите центри на моќ, треба да им биде јасно дека времето на СДСМ и ДУИ заврши, а мора да заврши и времето на нивната заштита во правосудството.
Македонија заслужува независно судство и обвинителство, а не политички бастион.
Не може за случајот со модуларната болница да нема виновници. Не може за случајот Ласкарци да се укине пресудата. Не може за случајот Мазут, вреден 167 милиони евра, да нема ниту истрага. Токму затоа довербата во правосудството е на дното. А правда мора да има. Одговорност мора да има и законот мора да важи еднакво за сите.
